![Загрузка Мероприятия](https://crost.ca/wp-content/plugins/the-events-calendar/src/resources/images/tribe-loading.gif)
- Это мероприятие прошло.
Вечерня в 18:00
16 июля 2022 @ 18 h 00 min - 19 h 00 min
![](https://crost.ca/wp-content/uploads/2022/07/thumbnail_maxim-the-greek-1-.jpg)
Тропарь преподобного Максима Грека глас 8
Зарею Духа облистаем, витийствующих богомудренно сподобился еси разумения, неведением омраченная сердца человеков светом благочестия просвещая, пресветел явился еси Православия светильник, Максиме преподобне, отонудуже ревности ради Всевидящаго/ отечества чужд и странен, Российския страны был еси пресельник, страдания темниц и заточения от самодержавнаго претерпев, десницею Вышняго венчаешися и чудодействуеши преславная. И о нас ходатай буди непреложен, чтущих любовию святую памятъ твою.
![](http://crost.ca/wp-content/uploads/2022/07/thumbnail_andrew-of-crete-1--228x300.jpg)
Тропарь святителю Андрею, архиепископу Критскому глас 4
Христову Церковь цевницею языка твоего, песнословя умильно, возвеселил еси, богословием же Препетыя Троицы славу всем сказал еси ясно, тем тя, яко тайноглагольника, поем, Андрее, пастырю Критский, и величаем память твою, Христа славяще дивнаго во святых Своих.
![](http://crost.ca/wp-content/uploads/2022/07/thumbnail_andrew-rublov-2-.jpg)
Тропарь преподобному Андрею Рублеву иконописцу глас 3
Божественнаго света лучами облистаемый, преподобне Андрее, Христа познал еси Божию Премудрость и Силу, и иконою Святыя Троицы всему миру проповедал еси Единство во Святей Троице. Мы же со удивлением и радостию вопием ти: имеяй дерзновение ко Пресвятей Троице моли просветити души наша.